ОРАЛ. Қаңтардың 10-ы. ҚазАқпарат /Елжан Ералы/ - Ірі көлемде алаяқтық жасағаны үшін С.Досқалиеваны ҚР ҚК 177-бабы 3-бөлімі «б» тармағына сәйкес кінәлі деп тану туралы Орал қалалық сотының үкімі күшіне енді,
деп хабарлайды ҚазАқпарат тілшісі облыстық прокуратурадан түскен мәліметке сілтеме жасап.
Соған сәйкес С.Досқалиева алты жылға бас бостандығынан айрылып, дүние-мүлкі тәркіленіп, жазасын жалпы тәртіптегі түзету колониясында өтейтін болды. Орал қаласы әкімдігі құрылыс бөлімінің бас маманы болып жұмыс істеген аталған азаматша жер телімдерін алып беруге көмектесемін деп адамдарды алдап, ақшасын қымқырумен айналысқан. Сөйтіп оның қылмыстық іс-әрекеті салдарынан 20 азаматқа 14158 мың теңге шығын келтірілген.
Апелляциялық арызды қараған БҚО облыстық сотының қылмыстық істер жөніндегі алқасы қалалық соттың үкімін өзгеріссіз қалдырды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).