Әзербайжанда COVID-19-ға байланысты карантин 2025 жылдың 1 сәуіріне дейін ұзартылды

АСТАНА. KAZINFORM - Әзербайжан Министрлер кабинеті елде коронавирус инфекцияның таралуын болдырмау мақсатында арнайы карантин режимін ұзарту туралы қаулы қабылдады, деп жазады АЗЕРТАДЖ.

Министрлер Кабинетінің 2020 жылғы 28 ақпандағы қаулысымен бекітілген Әзербайжан Республикасының «санитариялық-эпидемиологиялық салауаттылық туралы» Заңының 25-бабына және «жұқпалы, паразиттік және жаппай жұқпалы емес аурулардың пайда болу немесе таралу қаупі туындаған кезде карантиндік ұйымдастырушылық, профилактикалық және өзге де қажетті іс-шараларды жүзеге асыру тәртібіне» сәйкес Премьер-Министр Әли Асадов қаулыға қол қойды.

Ел аумағында коронавирус инфекциясының (COVID-19) таралуын және ықтимал зардаптардың алдын алу мақсатында Әзербайжан Республикасының аумағында ерекше карантиндік режим мерзімі 2025 жылғы 1 сәуір сағат 06:00-ге дейін ұзартылды.

Бұған дейін ҚР Денсаулық сақтау министрі Ақмарал Әлназарова Парламент аясында Қазақстанда жақын арада коронавирус инфекциясының жаңа толқыны өрши ме деген сұраққа жауап берген болатын. Ол сондай-ақ жағдайдың күрделенбейтінін айтты.

Еуропада коронавирустың жаңа түрі XEC тарап жатқанын жазған болатынбыз.