АСТАНА. қазАқпарат - Бүгін Индонезияда өтіп жатқан Жазғы Азия ойындарында садақ атудан Қазақстан әйелдер құрамасы ширек финалда қытайлықтарға жол берді, деп хабарлайды ҚазАқпарат тілшісі.
ҚР Ұлттық Олимпиадалық комитеттің баспасөз қызметінің хабарлауынша, бүгін Азия ойындарында садақ атудан командалық жарыстар өтіп жатыр. Қазақстанның әйелдер командасы 1/8 финалда малайзиялық мергендерді 6:2 есебімен қапы қалдырып, ширек финалға шыққан болатын.
Өкінішке қарай, олар кезекті кездесуді қытайлықтарға қарсы өткізіп, қарсыластарына 2:6 есебімен есе жіберді.
Айта кетейік, Азия ойындарына 440 қазақстандық спортшы қатысып жатыр. 18-ші тамыз күні алауы тұтанған «Сары құрлық» додасы 2-ші қыркүйек күні өз мәресіне жетеді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.