Қытайдың Ханчжоу қаласында өтіп жатқан XIX жазғы Азия ойындарында суға жүзуден Әділбек Мусин қола жүлде алды, деп хабарлайды ҚазАқпарат тілшісі.
Қазақстандық спортшы 100 метрге butterfly әдісімен жүзуде 51.98 уақыт көрсеткішімен үшінші болып келді.
Биылғы Азия ойындары белгілі себепке байланысты бір жылға шегерілгені белгілі. Ендігі кезекте дүбірлі дода биыл 23 қыркүйек пен 8 қазан аралығында өтеді.
Еліміздің атынан дүбірлі додада 30 спорт түрінен 524 қазақстандық (262 ер, 262 әйел) саңлақ бақ сынайды.
Осыған дейін Аян Тұрсын ушу-саньда спортынан қола жүлдегер атанғанын жаздық.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.