Еурокомиссияның басшысы атап өткендей, «бұл келісім Еуропаның Каспий бассейніндегі газға тікелей шығуын қамтамасыз етеді. Газ жеткізудің осы жаңа бағдары еуропалық тұтынушылар мен кәсіпорындардың энергетикалық қауіпсіздігін арттырады».
Жеткізілетін газ мөлшері мен газ жеткізудің қашан басталатындығы әзірше хабарланбағанымен, бұл келісімге қол қою «Оңтүстік газ дәлізін» құру және Еуропаға энергия жеткізушілерді әртараптандыру жөніндегі Еуропалық одақ бағдарламасын жүзеге асыруда маңызды қадам болып табылатындығы айтылды.