Күллі мұсылман қауымы сағына күткен қасиетті Рамазан айының аяқталуына да аз қалды. Енді ертеңгі күннен бастап, мұсылман жамағаты Ораза айт мерекесіән тойлауға кіріседі. Кедей мен байды теңестіріп, кем-кетікті толтыратын қасиетті мерекеге орай бүгін «Әзірет Сұлтан» мешіті «Айттық бізден болсын!» атты қайырымдылық шарасын ұйымдастырды.
Рамазан айында берілген пітір садақасының есебінен аталмыш акция аясында Астана қаласындағы тұрмысы төмен 150-ге жуық отбасыға көмек көрсетіліп, айттық азық-түлік қоржыны таратылды. Айттық қоржыны бір отбасының бір айлық күнкөрісіне жетерлік азық-түлік, балаларға арналған тәттілермен толтырылған.
фото: mahalla1.ru