АСТАНА. KAZINFORM - Қазақстандық балуан Зейнеп Баянова (53 келі) Иордания астанасы Амман қаласында өтіп жатқан әйелдер күресінен Азия чемпионатында қола медаль жеңіп алды.
Зейнеп кіші финалда моңғолиялық спортшы Отгонтуя Чинболдтан 10:4 есебімен басым түсті.
Екі палуан бозкілемде үшінші мәрте кездесіп отыр. Былтыр 23 жасқа дейінгі жастар арасында сары Азия чемпионаты жартылай финалында, әлем чемпионатында шеберлік байқасты. Екеуінде моңғолиялық балуан жеңіске жетті. Бұл жолы Зейнеп айласын асырып кетті.
Бұл - әйелдер күресінен Аммандағы осы чемпионатта команда қоржынына түскен алғашқы медаль.
Сондай- ақ бүгін финалда Жәмилә Бақбергенова (72 келі) алтынға таласады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.