Астана қаласында жастар арасында өтіп жатқан Азия чемпионатында жартылай финалға шыққан боксшылар анықталды, деп хабарлайды Каzinform.
Жартылай финалға шыққандар арасынан Қазақстан құрамасы 10 спортшымен көш бастап тұр. Атап айтқанда, Бексұлтан Боранбек (48 келі), Ислам Машкентаев (51 келі), Жансері Көшербаев (54 келі), Бек Жолдасбек (57 келі), Бақтияр Анарбаев (60 келі), Төрехан Сабырхан (63,5 келі), Нұрбек Мурсал (67 келі), Ислам Советов (71 келі), Алдияр Абдиллаев (75 келі), Дәулет Төлемісов (80 келі), Виктор Литвинов (86 келі), Нұржан Думан (92 келі) және Иван Ермоленко (92 келіден жоғары) жүлдені сарапқа салуға мүмкіндік алды.
Сондай-ақ жартылай финалға Өзбекстан мен Үндістан – 8, Жапония – 5, Оңтүстік Корея мен Қырғызстан – 4, Түрікменстан – 3, Тәжікстан, Филиппин, Тайпей, Вьетнам –2, Иордания мен Ирак 1 боксшыдан қосады.
1/2 финал 1 қараша күні өтеді. Ақтық кезең жеңімпаздары 2-3 қарашада анықталады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.