НҰР-СҰЛТАН. ҚазАқпарат - Таиландта өтіп жатқан бокстан Азия чемпионатында қазақстандық боксшы Дариға Шәкімова қола медаль иеленді, деп хабарлайды ҚазАқпарат тілшісі.
Бұрымды боксшылар арасында 69 келі салмақта ел намысын қорғаған Шәкімова жартылай финалда қытайлық Ниен Чин Ченмен жұдырықтасқан болатын.
Өкінішке қарай аса тартысты өткен жекпе-жекте төрешілер бір ауыздан қытайлық боксшыны жеңімпаз деп тапты. Осылайша, бүгін Шәкімова Қазақстан қоржынына төртінші қола медаль салды.
Азия біріншілігінде бұған дейін Тұрсынбай Құлахмет https://kaz.inform.kz/news/aziya-chempionaty-kazak-boksshysy-karsylasyn-20-sekundta-utyp-finalga-shykty_a3520585 финалға шыққан еді. Ал, Теміртас Жүсіпов пен Василий Левит қола медаль жеңіп алды.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.