АСТАНА. ҚазАқпарат - Волейболдан Индонезияның Сурабая қаласында өтіп жатқан ерлер арасында Азия чемпионатында Қазақстан құрамасы алғашқы жеңілісіне ұшырады, деп хабарлайды ҚазАқпарат тілшісі.
Бірінші топтық кезеңде өткізген үш ойында қарсыластарын айқын басымдықпен жеңген отандастарымыз екінші топтық кезеңнің алғашқы ойынында «азулы» жапониялық қарсыластарынан айласын асыра алмады. Есеп: - 3:0.
Енді Қазақстан құрамасы 29 шілде күні Оңтүстік Корея құрамасына қарсы ойнайды.
Естеріңізге сала кетсек, бірінші топтық кезеңде Қазақстан құрамасы Индонезия, Катар және Сауд Арабиясы құрамаларын ұтып, ширек финалға өткен болатын.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.