НҰР-СҰЛТАН. ҚазАқпарат - Бокстан Азия чемпионатында Қазақстан құрамасының мүшелері алғашқы жекпе-жектерін сәтті өткізді, деп хабарлайды ҚазАқпарат тілшісі.
Құрлықтық додада 56 келіде шаршы алаңға шыққан Қайрат Ерәлиев корей жігіті Ю-Чан Лиді тізе бүктірді. Сондай-ақ, 64 келіде Санатәли Төлтаев жарыстың 1/8 финалдық сатысында жеңіске жетті. Ол Индонезиядан келген Либертус Гахтан басым түсті. Ал 75 келіде ел намысын қорғап жатқан Тұрсынбай Құлахмет те өз әріптестерінің жеңісті жолын жалғастырды. Қазақстандық былғары қолғап шебері жарыстың 1/16 финалында Солтүстік Кореядан келген Чон Ил Хонды жеңді. Осындай табысқа 91 келідегі боксшымыз Василий Левит те қол жеткізіп, жарыстың 1/8 финалында ирандық Поурия Амиридің осал тұсын тапты.
Біз бұдан бұрын Азия чемпионатындағы қазақстандық боксшылардың қарсыластары анықталғанын хабарлаған едік
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.