НҰР-СҰЛТАН. ҚазАқпарат - Бокстан жастар мен жасөспірімдер арасындағы Азия чемпионатында қазақстандық Адайбек Ниязбай екінші жеңісіне қол жеткізді, деп хабарлайды ҚазАқпарат тілшісі.
Айта кетейік, құрлықтық дода Біріккен Араб әмірлігінің Дубай қаласында өткізілуде.
Адайбек Ниязбай 2005-2006 жылғы жасөспірімдер арасында 54 келі салмақта сынға түсуде. Ол алғашқы жекпе-жегінде қарсыласын төрешілер шешімімен жеңген болатын.
Екінші жекпе-жегінде Адайбек сириялық Мухаммедпен қолғап түйістірді. Шаршы алаң төрінде ол қарсыласын екі мәрте нокдаунға жіберді. Үшінші раундта төрешілер қазақстандық боксшының басымдығын бір ауыздан мақұлдады.
Адайбек Ниязбай бұрын Қазақстан чемпионы атанған. Сондай-ақ, Сербияда өткен халықаралық турнирде жеңімпаз атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.