АСТАНА. ҚазАқпарат - Астана қаласында өткен әйелдер күресінен Азия чемпионатында чемпион атанған Жәмила Бақбергенова (72 келі) жеңісі жөнінде пікірін білдірді, деп хабарлайды ҚазАқпарат тілшісі.
Қазақстандық балуан финалда жапониялық Сумире Никураны қапы қалдырды.
Оған дейін тайпейлік Хунг Пин-ценд және моңғолиялық Даваансан Енх Амарды жеңді.
«Қарсыласымның бойы менен аласа болды. Сондықтан оған қарсы әдіс қолдануға қажет еді. Сол ойымды жүзеге асырдым. Қарсыасыммен екінші мәрте кездесіп отырмын. Екеуінде де одан басым түстім. Ол - жас болғанмен тәжірибелі балуан», - деді Жәмила.
Айта кетсек, әйелдер күресінен ел құрамасынан Жәмиладан өзге Эльмира Сыздықова (76 келі) чемпион атанды.
Ал Марина Седнева (55 келі), Елена Шалыгина (68 келі), Нилуфар Раимова (57 келі) қола алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.