Қытайдың Ханчжоу қаласында өтіп жатқан Азия ойындарының төртінші жарыс күнінде Қазақстан құрамасының түскен алғашқы алтын жүлдеден кейін медальдар кестесінде қай орында тұрғаны белгілі болды, деп хабарлайды ҚазАқпарат тілшісі.
Азия ойындарында стендтік атудан Қазақстан әйелдер құрамасы алтын медаль жеңіп алды. Команда құрамында Зоя Кравченко, Әсем Орынбай және Ольга Панарина бар.
Нәтижесінде медальдар кестесінде Қазақстан құрамасы 16-орыннан 11-орынға көтерілді. Олардың еншісінде 1 алтын, 2 күміс, 7 қола медаль бар.
Медальдар кестесінде Қытай, Оңтүстік Корея және Жапония құрамалары алғашқы үштікте келеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.