Қытайдың Ханчжоу қаласында өтіп жатқан XIX жазғы Азия ойындарында баскетболдан Қазақстан әйелдер құрамасы Филиппинмен кездесті, деп хабарлайды ҚазАқпарат тілшісі.
Қазақстандық спортшылар В тобында сынға түседі. Қарсыластары - Жапония, Гонконг және Филиппин.
Кездесу барысында ел құрамасы қарсыласына 59:83 есебімен есе жіберді.
Екі құрама бұған дейін 2015 жылы Азия кубогында бір мәрте шеберлік байқасты. Ол жолы Филиппин құрамасы 80:73 есебімен басым түскен еді.
Енді ел құрамасы 29 қыркүйекте Жапония, 1 қазанда Гонконг құрамаларымен кездеседі.
Баскетболдан Қазақстан әйелдер құрамасы Азия ойындарына бесінші мәрте қатысып отыр. Бұған дейін 1994, 1998, 2014, 2018 жылдарда жалпы есепте бесінші орынға тұрақтады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.