Қытайдың Ханчжоу қаласында өтіп жатқан XIX жазғы Азия ойындарында гандболдан Қазақстан ерлер құрамасы Өзбекстаннан басым түсті, деп хабарлайды ҚазАқпарат тілшісі.
Еліміздің ерлер құрамасы С тобында сынға түседі. Қарсыластары - Бахрейн мен Өзбекстан.
Алғашқы кездесуінде қазақстандық спортшылар Бахрейннен 22:45 есебімен жеңілді.
Бүгін ел құрамасы Өзбекстаннан 31:27 есебімен басым түсті.
Енді олар плей-офф сатысында бақ сынауға мүмкіндік алды.
Ал еліміздің әйелдер құрамасы А тобында сынға түседі. Қарсыластары - Оңтүстік Корея, Таиланд және Өзбекстан.
Алғашқы ойынында олар Таиландты 44:20 есебімен бтізе бүктірді.
Енді қазақстандық гандболшылар 27 қыркүйекте Өзбекстан, 30 қыркүйекте Оңтүстік Кореямен шеберлік байқасады.
Әрбір топтан алғашқы екі орындағы құрамалар жарыстың келесі сатысына шығып, жүлделерді сарапқа салуға мүмкіндік алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.