Қазақстандық гимнаст Нариман Құрбанов Қытайдың Ханчжоу қаласында өтіп жатқан Азия ойындарында қола алды, деп хабарлайды ҚазАқпарат тілшісі.
Қазақстандық спортшы ат үстіндегі жаттығудың финалдық сатысында сынға түсті. Нәтижесінде 15.100 балл жинап, үшінші орынға тұрақтады.
Бұл жарыста бас жүлде Тайбэйден келген Чин-Кай Лиге бұйырса, екінші орынға жапониялық Рето Цумароға жайғасты.
Еске салсақ, бүгін ел құрамасы қоржынына екі алтын медаль түсті.
Алдымен Зухра Ирназарова 10 метр қашықтықтан жылжымалы нысанаға оқ ату сайысында чемпион атанды.
Одан кейін Әсем Орынбай мен Эдуард Ещенко стендтік ату турнирінің аралас жұптық сайысында алтын медаль жеңіп алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.