Қытайдың Ханчжоу қаласында өтіп жатқан XIX жазғы Азия ойындарында көгалдағы хоккейден Қазақстан әйелдер құрамасы алғашқы жеңісіне қол жеткізді, деп хабарлайды ҚазАқпарат тілшісі.
Қазақстандық спортшылар В тобында сынға түседі. Қарсыластары – Қытай, Жапония, Таиланд, Индонезия.
Бүгінгі кездесуде ел құрамасы Индонезияны 2:1 есебімен сүріндірді.
Айта кетсек, одан бұрын ел құрамасы Қытайға 0:11, Таиландқа 0:4 есебімен есе жіберген.
Енді олар алдағы ойынын 3 қазанда Жапонияға қарсы өткізеді.
Қазақстан әйелдер құрамасы Азия ойындарына бесінші мәрте қатысып отыр. Әзірге 1998, 2014 жылдарда алған 6 орыннан басқа жоғары нәтижеге қол жеткізген жоқ.
Еске салсақ, бұдан бұрын баскетболдан Қазақстан ерлер құрамасы БАӘ-мен кездесті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.