Азия ойындары: Шахматтан Қазақстан әйелдер құрамасы үшінші орын алды
Шахматтан Қазақстан әйелдер құрамасы Қытайдың Ханчжоу қаласында өтіп жатқан Азия ойындарында қола жүлде алды, деп хабарлайды ҚазАқпарат тілшісі.
Фото: ҚР Туризм және спорт министрлігі
Құрама сапында Жансая Әбдумәлік, Бибісара Асаубаева, Алуа Нұрманова, Меруерт Камалиденова және Динара Сәдуақасова ел намысын қорғады.
Фото: ҚР Туризм және спорт министрлігі
Ел құрамасы шешуші 9-турда Өзбекстанды 3:1 есебімен жеңіп, 3-орынға ие болды.
Алғашқы орынға Қытай қол жеткізсе, екінші орын Үндістан еншісіне бұйырды.
Фото: ҚР Туризм және спорт министрлігі
Еске салсақ, бұдан бұрын су добынан еліміздің ерлер құрамасы Қытайдың Ханчжоу қаласында өтіп жатқан Азия ойындарында қола жүлде алды.
Фото: ҚР Туризм және спорт министрлігі
Ел құрамасы 3-орын үшін өткен ойында Иранмен шеберлік байқасты. Кездесудің негізгі кезеңі 7:7 есебімен тең аяқталды. Буллит сериясында қазақстандық спортшылар 3:2 есебімен жеңіске жетті.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.