Қытайдың Ханчжоу қаласында өтіп жатқан XIX жазғы Азия ойындарында су добынан Қазақстан әйелдер құрамасы үшінші кездесуінде Оңтүстік Кореядан басым түсті, деп хабарлайды ҚазАқпарат тілшісі.
Ел құрамасы үшінші кездесуінде Оңтүстік Кореяны 24:4 есебімен жеңді.
Бұған дейін қазақстандық спортшылар Сингапурды 12:6 есебімен тізе бүктіріп, Қытайға 8:17 есебімен есе жіберді.
Үш турдан кейін олар 4 ұпаймен турнир кестесінде үшінші орында тұр. Алғашқы екі орындағы Қытайдың - 6, Жапонияның - 4 ұпайы бар.
Енді ел құрамасы 29 қыркүйекте Таиланд, 30-қыркүйекте, 1- қазанда Өзбекстанмен кездеседі.
Еске салсақ, үш алтын жүлдеден кейін Қазақстан құрамасы медальдар кестесінде 12-орыннан 9-орынға көтерілді.
Көш басында Қытай, Оңтүстік Корея, Жапония құрамалары келеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.