Ел құрамасынан Махмұд Сабырхан (55 келі) қытайлық Жаенг Шинмен қолғап түйістірді. Тартысты өткен жекпе-жекте отандасымыз жартылай финалға жолдама алды.
Ал Нұрбек Оралбай (90 келі) 1/8 финалда өзбекстандық Турабек Хабибуллаевқа есе жіберіп қойды. Нәтижесінде өзбекстандық боксшы жартылай финал жолдамасына қол жеткізді.
Айта кетсек, ел құрамасынан Төрехан Сабырхан (70 келі), Наталья Богданова (75 келі), Алуа Балқыбекова (51 келі), Айбек Оралбай (90 келіден жоғары) жартылай финал жолдамасына қол жеткізді.
Қазірге дейін ел құрамасынан Оразбек Асылқұлов (60 келі), Сабыржан Аққалықов (80 келі), Назым Қызайбай (54 келі), Виктория Графеева (60 келі), Аида Әбікеева (55 келі) жарыс жолынан шығып қалды.
Айта кетсек, қазірге дейін ел құрамасынан қазақстандық боксшылар Азия ойындарында соңғы рет 2014 жылы Инчхонда алтын медаль жеңіп алған. Бұдан кейін Джакартадағы 2018 жылғы және Ханчжоудағы 2023 жылғы Азия ойындарында қазақстандық боксшылар алтын жүлдесіз қалған.