НҰР-СҰЛТАН. ҚазАқпарат - Көгалдағы хоккейден Қазақстан құрамасы Азия ойындарының іріктеу кезеңінде Өзбекстанмен тең түсті, деп хабарлайды ҚазАқпарат тілшісі.
Қазақстандық хоккейшілер бүгін Өзбекстанмен шеберлік байқасты. Қос құрама 3:3 есебіне қанағат білдіріп тарасты.
Еске салсақ, ұлттық құрама А тобында сынға түсуде. Қарсыластары - Оман, Таиланд, Гонконг және Өзбекстан.
Бұған дейін қазақстандық хоккейшілер Таиландтан 1:2, Оманнан 0:3 есебімен есе жіберді.
Енді олар 10 мамырда Гонконг құрамасымен кездеседі.
В тобында Бангладеш, Шри-Ланка, Индонезия және Сингапур құрамалары ойнайды.
Қазақстандық хоккейшілер аталған доданың финалдық кезеңінде екі мәрте бақ сынады. 1994 жылы 6-орын алса, 2018 жылы 11-орынды місе тұтты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.