Қытайдың Ханжчоу қаласында өтіп жатқан Азия пара ойындарында аралас комплекстік эстафетада қазақстандық пара жүзушілер қола жүлдені еншіледі, деп хабарлайды Kazinform.
Қазақстандық спортшылар Азия пара ойындарында 4х50 м аралас комплекстік эстафетада сынға түсті. Жарыс барысында қазақстандық пара жүзушілер қола жүлдені еншіледі. Көрсеткіші – 3:03.74.
Бірінші орын Қытай құрамасына (2:30.36) бұйырса, екінші орынға Жапония құрамасы (2:49.49) ие болды.
Ел құрамасы сапында Зульфия Габидуллина, Сиязбек Далиев, Наталья Звягинцева және Айсұлтан Құлқаев ойын көрсетті.
Қазірге дейін ел құрамасы 31 медаль еншіледі. Оның ішінде 5 алтын, 10 күміс, 16 қола.
Биыл пара ойындарда еліміздің атынан спорттың 14 түрі бойынша 131 спортшы қатысады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.