Қытайдың Ханжчоу қаласында өтіп жатқан Азия пара ойындарында Роман Потапов 100 метрге шалқалай жүзуде қола медаль алды, деп хабарлайды Kazinform.
Аталған сайыста еліміздің атынан Кирилл Ильюкевич, Роман Потапов және Андрей Афанасьев бақ сынады.
Сайыс барысында Роман Потапов жарысты үшінші болып аяқтады. Көрсеткіші - 1.10.25.
Қазіргі дейін пара ойындарда қазақстандық спортшылар жалпыкомандалық есепте сегіз медаль алды. Оның ішінде 2-і алтын, 2-і күміс,4-і қола.
Биыл пара ойындарда еліміздің атынан спорттың 14 түрі бойынша 131 спортшы қатысады. Бұл - Қазақстанның Азия параойындары тарихындағы қатысушылар саны бойынша жаңа рекорд.
Бұдан бұрынғы Азия пара ойындарында Қазақстаннан 9 спорт түрінен 91 спортшы қатысып, 33 жүлдеге қол жеткізген болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.