«Бұл жиында біз ұйымның атқарушы кеңесін құрдық. Ол жылына кемінде бір рет Астанада өтетін болады. Өйткені, Астана бұл ұйымның штаб-пәтері саналады. Ал енді ұйымның Бас ассамблеясына қатысты айтар болсам, ол да жылына бір мәрте бас қосады», - деді ол.
ИЫҰ Бас хатшысының орынбасары да Азық-түлік қауіпсіздігі жөніндегі ислам ұйымының бюджеті қатысушы елдердің жарнасы есебінен қалыптастырылатындығын атап өтті.
«Ұйымның атқарушы кеңесіне Түркия, Сауд Арабиясы, Бангладеш, Буркино-Фасо, Қазақстан, Судан, Нигерия және хатшылық бас директоры кіреді. Олардың барлығы 3 жылға сайланады», - деді Х.А.Опелойеру.