«Азық-түлік келісім шарт корпорациясының коммерциялық ресурстарындағы астық бағасын 2014 жылғы 16 мамырда Экономиканы жаңғырту мәселелері жөніндегі мемлекеттік комиссия тоннасына 42 000 теңге мөлшерінде белгілеген болатын. Бұл ретте 28 300 теңге мен 42 000 теңге арасындағы айырманы ұн тартатын ұйымдарға республикалық бюджеттен өтеу қарастырылып отыр», - делінген баспасөз баянында.
Еске сала кетсек, мемлекеттік комиссияның шешімімен ҚР Ауыл шаруашылығы министрлігі, облыс әкімдіктері және Азық-түлік келісім шарт корпорациясы арасында өңірлерде 1 сұрыпты ұннан жасалған қалыпты нанға, 1 сұрыпты ұнға бағаны тұрақтандыру жөніндегі шаралар туралы меморандумдарға қол қойылған болатын. Осы мақсатта Азық-түлік келісім шарт корпорациясы 518 000 тонна астықты кейінге сақтап отыр. Оның 182 000 тоннасы мемлекеттік ресурстардан болса, 336 000 тонна коммерциялық ресурстарынан.