АСТАНА. 31 қазан. ҚазАқпарат - ҚР Әділет министрі Берік Имашев Қазақстан Республикасындағы Америка Құрама Штаттарының Уақытша сенімді өкілі Джон Ордвеймен кездесті. Бұл ақпаратты аталған ведомствоның баспасөз қызметінен хабарлады.
Кездесу барысында өзекті мәселелер бойынша пікір алмасу мен сындарлы әңгіме өрбіді. Атап айтқанда, тараптар адам саудасына қарсы күрес саласын, сот шешімдерін орындауды дамыту, сондай-ақ сот сараптамасының материалдық-техникалық базасын нығайту мәселелерін талқылады.
Кездесу нәтижесінде АҚШ-тың Уақытша сенімді өкілі Б.Имашевқа қабылдағаны үшін алғысын білдіріп, өзара тиімді ынтымақтастықты тереңдетуге дайын екендігін баса айтты.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.