Бүгін Үкімет отырысында еліміздің Өңірлік даму министрі Болат Жәмішев осындай ұсыныс жасады.
«Ауылдық елді мекендерді сумен жабдықтау және су бұру жөніндегі кешенді міндеттерді жүйелі түрде шешу үшін бірыңғай оператор - ауылдық елді мекендерде сумен жабдықтау әрі су бұру басқармаларын құру мәселелерін пысықтауды ұсынамыз», - деді Б.Жәмішев.
Оның атап өтуінше, бірыңғай оператор ауылдық елді мекендерде сумен жабдықтау және су бұру секторын орталықтандыруды және барынша тиімді басқаруды қамтамасыз етуге, сондай-ақ одан әрі мемлекеттік-жеке меншік әріптестік нысанын енгізе отырып жоспарлаған кезде, сумен жабдықтау және су бұру нысандарын сапалы жобалауға әрі тиісті деңгейде пайдалануға мүмкіндік береді.