«Жансебіл» байқауда сегіз аталым бойынша ұсынылып оның бесеуіне қол жеткізді. Иньярриту үздік режиссер атанды, бас кейіпкерді сомдаған Леонардо Ди Каприоға үздік актер сыйлығы берілді, деп хабарлайды Би-Би-Си агенттігі.
Байқауда Бри Ларсон «Бөлме» фильмінде ойнаған рөлі үшін үздік актриса деп танылды.
BAFTA сыйлығын көпшілік Америка киноакадемиясының (Оскар сыйлығы) қазылар алқасының дауыс беру шарасының көрсеткіші деп санайды, өйткені осы байқауда жүлдегерлері келесі сыйлыққа да ие болуы мүмкін.