Қаржы вице-министрі Әсет Тұрысовтың сөзінше, платформа мемлекеттік сатып алулар кезінде тауарлардың нарықтағы нақты құнын анықтауға көмектеседі.
- Мысалы, мемлекеттік орган тауар сатып алғанда қазір коммерциялық ұсыныстарға сүйенеді. Бағалар деректер базасы арқылы бұл бағалардың нарықтық деңгейге сәйкестігін қосымша тексеруге болады, – деді ол Орталық коммуникациялар қызметіндегі брифингте.
Оның айтуынша, жүйені енгізу нәтижесінде жыл сайын 200 млрд теңгеге дейін үнемдеуге мүмкіндік бар.
- Ұлттық тауарлар каталогы кеңінен қолданылып, жасанды интеллект арқылы деректер сапасы жақсарған сайын бюджеттік жоспарлау тиімдірек болады. Құрал қазірдің өзінде пайдаланылып жатыр және алдағы уақытта оның мүмкіндіктері кеңейтіледі, – деді Әсет Тұрысов.
Бұған дейін бөліп төлеуге қосылу үшін бизнес қандай тексерістен өтетінін жаздық.