STAR (Smart Tissue Autonomous Robot) роботтандырылған автономиялық құрылғысы қол мен терінің кескен жерін тігу үшін автоматтандырылған құралдан тұрады. Робот сондай-ақ инфрақызыл суреттің 3D-жүйесімен жабдықталған, ол әрекеттердің нақты жолын көрсетеді.
Вашингтондағы Ұлттық балалар денсаулығын сақтау жүйесінің мамандары STAR-ды ішкі органдарының орналасуы адамдыкімен ұқсас шошқаға сынап көрді.
Сынақтар кезінде энтероэнтеростомия (ас қорыту жолының қалпына келуі) - ісік кесілетін қарапайым хирургиялық процедура өткізілді, делінген Financial Times газетінің хабарламасында.
«Қорытындылары бізді таңғалдырды, STAR іс-қимылдарды хирургтарға қарағанда жақсы жасады», - деп жазды газет жобаға қатысушы медициналық маман Питер Кимнің сөздерін келтіре отырып.
Оның айтуынша, робот автономиялық режимдегі жұмыс үшін жасалса да, оның іс-қимылдарына кез келген сәтте дәрігер қосыла алады. «Егер бірдене дұрыс болмай қалса, бір шерту роботты тоқтатады», - деп атап өтті Ким.
Мамандардың пікірінше, робот соқырішек және өт қабын кесіп тастау сияқты оталарда қажет болады.