БАҚ: Ливияда «Әл-Каида» жетекшілерінің бірінің көзі жойылды
21:53, 15 Қараша 2016
АСТАНА. ҚазАқпарат - Ливия оңтүстігінде «Әл-Каида» лаңкестік желісінің жетекшілерінің бірі басқарусыз ұшақ авиа соққысынан қаза тапты, деп хабарлады Ассошиэйтед Пресс агенттігі ливиялық БАҚ-қа сілтеме жасап.
Соққы дүйсенбі күні кешке Сахаба қаласында лаңкес Әбу Тальха әл-Хасснауи (Abu Talha al-Hassnawi) жасырынуы мүмкін үйге жасалды, деп хабарлады Ресей жаңалықтар агенттігі.
Басқарусыз ұшақ кімге тиесілі екені хабарланбады. LANA агенттігінің деректеріне сәйкес, Әл-Хасснауи Сирт қаласынан қашып кеткен. Бұдан бұрын Әл-Хасснауи Сириядағы «Әл-Каида» командирлерінің бірі және содырларды сонда жіберетін бас ұйымдастырушы болған.