Үстіміздегі жылы көрмеге 25 елдің 260 компаниясы қатысып отыр, олардың арасында Германия, Италия, Финляндия, Иран, Литва, Украина және басқа да елдер өз тауарларын ұсынуда. Нақтырақ айтар болсақ, «Baku Build»-те құрылыс жабдықтарының көптеген түрі, өңдеу материалдары мен жол-құрылыс техникасы ұсынылған.
Сондай-ақ, көрме барысында инновациялық технологиялар мен қала құрылысын жоспарлауға қатысты «дөңгелек үстел» өткізіліп, құрылыс мәселелері бойынша түрлі семинарлар мен тұсаукесерлер ұйымдастырылады.