АЛМАТЫ. ҚазАқпарат – Алматы әкімі Бақытжан Сағынтаев «Қайрат» ФК командасы мен жаттықтырушылар штабын футболдан Премьер-Лига командалары арасындағы ел чемпионатының бас жүлдесіне ие болуымен құттықтады, деп хабарлайды ҚазАқпарат тілшісі.
«Қайрат» ФК командасы мен жаттықтырушылар штабын футболдан Премьер-Лига командалары арасындағы ел чемпионатының бас жүлдесіне ие болуымен құттықтаймын! Көптен күткен бұл жеңіс Алматы үшін мақтаныш! Жеңіске жету бар да, оны сақтап қалу бар. Күш-қуат пен сәттілік серіктерің болсын!»,– деп жазды әкім Twitter -дегі парақшасында.
Айта кетейік, бүгін «Қайрат» 16 жылдан соң Қазақстан чемпионы атанды.
Соңғы рет алматылықтар 2004 жылы елдің үздік командасы атанған еді.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.