«Bala Turkvizyon» өңірлік байқауының жеңімпаздары «Бөбек» орталығындағы жұлдызды үйге қоныстанды - Алматы (ФОТО)
Мұнда ұлттық байқаудың өңірлік жеңімпаздары «Bala Turkvizyon-Казахстан» ұлттық əн байқауының финалына дайындалмақ.
16 іріктеу сайысында 2 дуэт, 1 трио, 13 жеке орындаушы топ жарғанын атап өту керек.
Олар жұлдызды үйде 2 апта бойы сахна шеберлерінен, кəсіби музыканттардан, хореографтардан шеберлік сабақтарын алмақ.
Ұлттық байқаудың финалдық жəне жартылай финалдық турында қазақстандық композиторлар шығарған қазақ тіліндегі 16 жаңа əн шырқалады.
Қорытынды концерт 16-17 қыркүйекте Астанадағы бейбітшілік пен келісім сарайында өтеді.
"Кішкене талантты бүлдіршіндерді көріп менің кеудемді мақтаныш кернейді. Елімізде əрдайым осындай дарынды балалар көп болсын. Барлықтарыңа шығармашылық табыс тілеймін",- деді Тurkvision-2014 жеңімпазы Жанар Дұғалова.
«Bala Turkvizyon» - түркі тіліндегі əндер шырқалатын əлемдегі балалар арасындағы бірегей байқау. Онда 8-ден 13 жасқа дейінгі балалар бақ сынайды.
Қазақстандық іріктеу Əлия Назарбаеваның «Жандану әлемі» қорының қолдауымен өтіп жатыр.
Ұлттық байқаудың жеңімпазы «BalaTurkvizyon»-ның гранд-финалына жолдама алып, Түркменстанға аттанбақ.
Бұл байқау - түркі тілдеріндегі əндер шырқалатын "Евровидениенің" баламасы деуге болады. Аудиториясы 300 млн адам болатын телебайқаудың 2014 жылғы жеңімпазы қазақстандық Жанар Дұғалова екендігін атап өту керек. Айта кетейік, былтыр байқауға 25 түркі тілдес елдің əншілері қатысқан болатын.