Balalarg'a qatysty quqyq buzy's'ylyqtar to'mendegen - Bas proky'raty'ra

ASTANA. QazAqparat - 2017 jyly balalarg'a qatysty quqyq buzy's'ylyqtar u'lesi to'mendedi, alai'da 2016 jylmen salystyrg'anda balalarg'a qatysty ay'yr qylmystar birs'ama o'sip otyr (2017 jyly 1,75%, 2016 jylmen salystyrg'anda 1,4%).

Bul ty'raly QR Bas proky'raty'rasynyn' Quqyqtyq stati'sti'ka ja'ne arnai'y esep komi'tetinin' sai'ty habarlady.

Degenmen ay'yrlyg'y orta quqyq buzy's'ylyqtar u'lesi azai'dy (2016 jyly 0,5%, al 2017 jyly 0,3%). Ka'meletke tolmag'andardyn' qatysy'ymen ereks'e ay'yr qylmys tu'rlerine jatatyn quqyq buzy's'ylyqtar ko'bei'gen - 16,6% (2017 jyl).

Mundag'y ai'ta keter jai't, son'g'y u's' jylda quqyq buzy's'ylyq azai'yp keledi. Atap ai'tqanda, 2015 jyly 1% bolsa, 2016 jyly 0,7%-g'a, 2017 jyldyn' qan'tar-qaras'a ai'larynda 0,6%-g'a to'mendegen, biraq ereks'e ay'yr quqyq buzy's'ylyqtardyn' kerisins'e o'se bastag'andyg'yn atap o'tken de jo'n. 2016 jyly balalarg'a qatysty ereks'e ay'yr qylmystar u'lesi 2015 jylmen salystyrg'anda 4,6%-g'a azai'g'an (2015 jyly 20,2%, al 2016 jyly 15,6%). Alai'da 2017 jyldyn' qan'tar-qaras'a ai'larynda 1%-g'a qai'ta ko'terilgeni bai'qalady (16,6%).

Ai'maqtar boi'yns'a otbasy men ka'meletke tolmag'andarg'a qarsy qylmystar 10 myn' adamg'a s'aqqanda 1,84, Man'g'ystay' oblysynda - 1,24, BQO ja'ne Pavlodar oblystarynda - 1,15. En' ji'i kezdesetin o'n'irler - OQO men Atyray' oblysy.