Баландин Болгарияда өткен біріншілікте екі жүлде алды

АСТАНА. ҚазАқпарат - Қазақстандық жүзуші, Олимпиада ойындарының чемпионы Дмитрий Баландин әлем чемпионатына дайындық үстінде, деп хабарлайды dodasport.kz .

Дмитрий қазіргі күндері Болгария ашық чемпионатына қатысуда. Сайыстың алғашқы күні отандасымыз 100 метрде брасс әдісімен жүзуде чемпион атанған болатын.

Жарыстың екінші күні 50 метрде брасс әдісімен жүзуде қола жүлдеге ие болды. 28,05 секунд нәтиже көрсеткен отандасымызды күміс жүлдегер атанған болгар Лачезар Шумков пен словак Марек Ботик ұтып кетті.