Қазіргі кезде олар халыққа электрондық цифрлық қолтаңбаны (ЭЦҚ) беру, бала тууын тіркеу, балабақшаға кезекке қою қызметтерін көрсетіп жатыр.
«Электрондық үкімет бұрыштарын перзентханаларда орнықтырудың басты артықшылығы - нәрестені перзентханадан шығарған кезде ол Қазақстан Республикасының азаматы болып тіркеледі және балабақшаға кезекке тұрғызылады. Сондықтан да аналарға мемлекеттік органдарға барудың қажеті жоқ», - деп, Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің төрағасы Бағдан Мусин белгіледі.
Астанада электрондық үкімет бұрыштары №1, №2 перинаталдық орталықтарында және қалалық перзентханада, ал Алматыда «№3 перзентхананың перинаталдық орталығы» МКК және №1 перзентханада жұмыс істейді.