АСТАНА. KAZINFORM - Балқашта өрт сөндірушілер тұрғын үйдің жертөлесінен шыққан өртке байланысты 20 адамды эвакуациялады, деп хабарлайды ҚР ТЖМ баспасөз қызметі.
"Балқаш қаласындағы Желтоқсан көшесінде 4 қабатты тұрғын үйдің жертөлесінде қоқыс өртенді.
Улы түтіннен сақтау мақсатында ТЖМ күштері баспалдақ арқылы 20 адамды, оның ішінде 8 баланы эвакуациялады.
Өрт сөндірушілердің жедел әрекеттерінің арқасында өрт шағын алаңда сөндірілді" делінген хабарламада.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.