АСТАНА. ҚазАқпарат - Үндістанның орталық бөлігіндегі Мадхья-Прадеш штатында аммиакты баллонның жарылуы салдарынан шамамен 50 оқушы ауруханаға түсті.
Business Standard басылымының мәліметінше, оқушылар өздерін нашар сезініп, көбі ес-түсінен айырылған.
Олар медициналық мекемеде көмек көрсетілгеннен кейін ғана үйлеріне қайтарылды.
Полиция қызметкерлері төтенше жағдайдың жай-жапсарын анықтап жатыр. Алдын ала мәліметтерге сүйенсек, жарылыс газдың шығып кетуі салдарынан болған.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.