АСТАНА. KAZINFORM — Грек-рим күресінің шебері Темірлан Тұрдақын АҚШ-тың Лас-Вегас қаласында өтіп жатқан U23 жас санатындағы әлем чемпионатының жартылай финалында жеңіске жетті.
Қазақстандық балуан 87 келіге дейінгі салмақта алтын медаль үшін бақ сынайды.
Тұрдақын жартылай финалда ресейлік Александр Крикуханы жеңіп, ақтық сынға жолдама алды. Финалда ол Иран өкілі Ясин Әли Яздимен күреседі.
Айта кетейік, бұған дейін Айбек Айтбеков (60 келіге дейін) және Юсуф Ашрапов (72 келіге дейін) алтыннан алқа таққан еді.
Еске салайық, мұның алдында қазақстандық балуандар Юсуф Ашрапов пен Айбек Айтбеков АҚШ-тың Лас-Вегас қаласында өтіп жатқан U23 әлем чемпионатында алтын медаль иеленгенін хабарлаған едік.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.