АСТАНА. KAZINFORM - Қазақстандық «Барыс» командасы 28 желтоқсанда Құрлықтық хоккей лигасындағы кезекті ойынын Ресейдің «Салават Юлаев» (Нижний Новгород) командасына қарсы өткізді.
Кездесу барысында реесйлік клубтың басымдығы байқалып тұрды. Ойынның небәрі 25-секундында Джош Ливо есеп ашса, 11-минутта Нэйтан Тодд есепті үстемелей түсті.
Ал 18-минутта Никита Зоркин мергендік танытса, одан кейін Джош Ливо 26, 39-минутта екі мәрте көзге түсті.
Ресейлік клубтан Шелдон Ремпал 49-минутта қорытынды есепті белгіледі.
Осылайша «Барыс» қарсыласына 0:6 есебімен есе жіберді. Бұл - елордалық клубтың қатарынан алтыншы жеңілісі.
Енді елордалық клуб алдағы екі ойынын Астанада өткізеді. Алдымен 5 қаңтарда Ресейдің «Лада» (Тольятти) клубымен кездессе, 7 қаңтарда «Автомобилист» (Екатеринбург) командасымен шеберлік байқасады.
Еске салсақ, бұдан бұрын «Барыс» «Торпедо» командасына есе жіберді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.