АСТАНА. KAZINFORM - Қазақстандық «Барыс» командасы бүгін, яғни 5 қаңтарда Құрлықтық хоккей лигасындағы кезекті ойынын Ресейдің «Лада» (Тольятти) командасына қарсы өткізеді.
Ойын елорда уақытымен 16:50-дe басталып, «Qazsport» телеарнасынан тікелей эфирде көрсетіледі.
Екі команда бұған дейін 19 мәрте кездескен. Оның 7-еуi елордалық клубтың басымдығымен аяқталса, қалған ойында ресейлік команда жеңіске жеткен.
Кейінгі алты кездесудің бесеуінде қазақстандық клуб аталған қарсыласына жіберді.
Қазір турнир кестесінде «Барыс» 23 ұпаймен 22-орында тұрса, «Лада» 35 ұпаймен 21-орында келеді.
Айта кетсек, елордалық клуб бұдан кейінгі тағы бір ойынын елордада өткізіп, 7 қаңтарда Ресейдің «Автомобилист» (Екатеринбург) клубымен шеберлік байқасады.
Еске салсақ, бұдан бұрын «Барыс» алтыншы ойын қатарынан жеңіске жете алмай келеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.