Қазақстандық «Барыс» командасы Құрлықтық хоккей лигасындағы кезекті ойынын елордада Ресейдің «Нефтехимик» (Нижнекамск) командасына қарсы өткізеді, деп хабарлайды ҚазАқпарат тілшісі.
Кездесу бүгін, 18 қыркүйекте 19:30-да басталады.
Екі команда бұған дейін 41 мәрте кездесті. Оның 23-і елордалық клубтың басымдығымен аяқталса, қалғанында ресейлік команда жеңіске жетті.
Айта кетсек, елордалық клуб Құрлықтық хоккей лигасындағы бұдан бұрынғы алты кездесуінің 5-де жеңіліп, одан кейін елордада Ресейдің «Адмирал» (Владивосток) командасынан басым түсті.
Аталған кездесуден кейін елордалық клуб қатарынан үш ойынын сырт айдында өткізеді.
Алдымен 21 қыркүйекте Ресейде «Спартак» (Мәскеу) клубымен кездессе, одан кейін 23 қыркүйекте «Сибирь» (Новосібір), 25 қыркүйекте «Нефтехимик» (Нижнекамск) командаларымен шеберлік байқасады.
Ал елордада 16 қыркүйекте Ресейдің «Адмирал», 18 қыркүйекте «Нефтехимик» командаларын қабылдайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.