АСТАНА. KAZINFORM - Қазақстандық «Барыс» командасы бүгін, яғни 17 қарашада Құрлықтық хоккей лигасындағы кезекті ойынын елордада Ресейдің «Cочи» командасына қарсы өткізеді.
Ойын елорда уақытымен 19:00-дe басталып, «Qazsport» телеарнасынан тікелей эфирде көрсетіледі.
Екі команда бұған дейін 21 мәрте кездескен. Оның 17-сi елордалық клубтың басымдығымен аяқталса, қалған ойында ресейлік команда жеңіске жеткен.
Кейінгі бес кездесудің төртеуінде қазақстандық клуб аталған қарсыласынаy басым түсті.
Енді қазақстандық команда бұдан кейінгі үш ойынын елордада өткізеді. Алдымен 20 қарашада Ресейдің «Металлург» (Магнитогорск) командасымен кездессе, одан кейін 22 қарашада «Амур» (Хабаровск), 24 қарашада «Аавангард» (Омбы) клубтарымен шеберлік байқасады.
Еске салсақ, бұдан бұрын елордалық клуб «Cалават Юлаевтан» жеңіліп қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.