Қазақстандық «Барыс» командасы Құрлықтық хоккей лигасындағы кезекті ойынын елордада Ресейдің «Витязь» (Подольск) командасына қарсы өткізді, деп хабарлайды Kazinform.
Фото: Виктор Федюнин/Kazinform
Екі команда да биылғы турнирді өте сәтсіз өткізіп келеді. Елордалық команда 22-орында тұрса, «Витязь» 21-орынға орналасқан.
Жанкүйерлер бүгінгі кездесуде қазақстандық команда жеңіске жетеді деген үмітте болған еді. Алғашқы минуттарда «Барыстың» басымдығы байқалды.
Нәтижесінде 1-минутта Кирилл Савицкий «Барысты» алға шығарды.
Фото: Виктор Федюнин/Kazinform
Одан ресейлік команда қатарынан бес шайба соғып кетті. Бұл голдарды Иван Савчик 3, Дерек Барак 10, Александр Дарьин 26, Скотт Уилсон 46, Александр Яремчук 47-минутта өздерінің еншісіне жазды.
Ойынның 58-минутында қазақстандық Аркадий Шестаков қорытынды есепті белгіледі.
Осылайша «Барыс» қарсыласынан 2:5 есебімен есе жіберді.
Фото: Виктор Федюнин/Kazinform
Енді «Барыс» алдағы ойынын 30 қарашада елордада Ресейдің «Металлург» (Магнитогорск) командасына қарсы өткізеді.
Еске салсақ, бұдан бұрын «Барыс» овертаймда «Нефтехимиктен» басым түсті.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.