«Барыс» хоккей клубы «Магниткаға» жол берді

АСТАНА. KAZINFORM - Елордалық «Барыс» бүгін шайбалы хоккейден маусым алдындағы дәстүрлі Иван Ромазан мемориалына алғашқы ойынын Ресейдің «Магнитка» (Магнитогорск) командасына қарсы өткізді.

Михаил Кравец шәкірттері Магнитогорскідегі алғашқы ойында төмендегіше хоккейшілерді мұз айдынға шығарды.

Қақпашылар: Шестаков (Шутов)

Ойыншылар: Әсетов - Өмірбеков - Қайыржан (А), Бекетаев (С) - Данияр;

Ляпунов - Мұхаметов - Колесников, Гайтамиров (А) - Бреус;

Симонов - Шайхмедденов - Мұратов, Королёв - Решетько;

Оспанов - Маңғысбаев - Гросс, Никитин - Оразов.

Ойынның 9-минутында ресейлік клубтан Андрей Козлов «Барыс» қақпасынан саңылау тауып кетті. Ал оның әріптесі Матвей Галенюк 57-минутта басымдықты арттырса, оған 58-минутта қазақстандық клубтан Семён Симонов бір голмен жауап қайырды.

Осылайша елордалық клуб қарсыласына 1:2 есебімен жол берді.

Енді олар 27 тамызда 15:00-де Ресейдің «Салават Юлаев» (Уфа), 29 тамызда 19:00-де «Металлург» (Магнитогорск) командасымен шеберлік байқасады.

Елордалық команда турнирге 25 тамыз күні аттанды. Команда құрамындағы Никита Бояркин, Роман Старченко, Иван Николишин жарақат алған ойыншылар тізімінде тұр. Ал Джейк Масси, Иэн Маккошен, Тайс Томпсон, Оливье Родриг, Мэйсон Морелли, Райли Уолш қажетті құжаттарды рәсімдеп жатыр. Сондықтан олар турнирге қатыса алмайды.