«Барыс» хоккейшілері бүгін Беларусьтің «Динамо» командасымен кездеседі

Қазақстандық «Барыс» командасы Құрлықтық хоккей лигасындағы кезекті ойынын елордада Беларусьтің «Динамо» (Минск) командасына қарсы өткізеді, деп хабарлайды ҚазАқпарат тілшісі. 

Кездесу бүгін, 2 қазанда 22:10-дe басталады.

Екі команда бұған дейін 29 мәрте кездесті. Оның 15-і елордалық клубтың басымдығымен аяқталса, қалғанында ресейлік команда жеңіске жетті.

Турнир кестесінде «Барыс» 12 ойыннан кейін 10 ұпаймен 20-орында тұрса, «Динамо» 11 ойыннан кейін 10 ұпаймен 19-орынға орналасты.

Айта кетейік, елордалық клуб биылғы маусымды сәтсіз өткізіп келеді. Соңғы он ойынның небәрі үшеуінде жеңіске жетті.

«Барыс» бұдан кейін екі кездесуін сыртта өткізеді. Алдымен Ресейде 4 қазанда ЦСКА (Мәскеу) командасымен кездессе, 6 қазанда «Витязь» (Подольск) клубымен шеберлік байқасады.

Еске салсақ, бұдан бұрын «Барыс» елордада «Сибирь» командасынан жеңіліп қалды.

Елордалық клубтың бас бапкері Андрей Скабелка алдағы үш ойынға қатысатын хоккейшілер тізімін жариялады.

Қақпашылар: Никита Бояркин, Даниил Кудимов, Андрей Шутов.

Қорғаушылар: Әділ Бекетаев, Тамирлан Гайтамиров, Самат Данияр, Нельсон Ножье, Кирилл Никитин, Эмиль Нұрғалиев, Кирилл Полохов, Давид Скленичка, Егор Шалапов.

Шабуылшылар: Әлихан Әсетов, Райли Барбер, Александр Борисевич, Дінмұхамед Қайыржан, Джозеф ЛаБейт, Всеволод Логвин, Батырлан Мұратов, Максим Мусоров, Әлихан Өмірбеков, Понтус Оберг, Михаил Рахманов, Кирилл Савицкий, Рудольф Червени, Аңсар Шайхмедденов, Аркадий Шестаков.