«Барыс» қатарынан төртінші мәрте жеңіліп қалды

Фото: Фото: Виктор Федюнин/Kazinform

АСТАНА. KAZINFORM — Қазақстандық «Барыс» командасы Құрлықтық хоккей лигасындағы кезекті ойынын елордада Ресейдің «Лада» (Тольятти) командасына қарсы өткізді.

Елордалық клуб қатарынан үш мәрте жеңілістің ащы дәмін татып, турнир кестесіндегі жағдайын қиындатып алған еді.

Салдарынан 49 ойыннан кейін 40 ұпаймен 19-орында тұр.

Фото: Виктор Федюнин/Kazinform

Сол себепті қазақстандық клуб әрбір ойында жеңіске жетудің маңызы зор болатын.

Кездесу барысында қос команда белсенді бастады.

Ойынның 10-минутында ресейлік хоккейші Никита Попугаев соққан гол «Лада» командасын алға шығарды.

Фото: Виктор Федюнин/Kazinform

Екінші кезеңде олардың қатарынан Андрей Алтыбармакян 30, Трой Джозефс 38-минутта мергендік танытты.

Осылайша елордалық клуб қарсыласына 0:3 есебімен есе жіберді.

Фото: Виктор Федюнин/Kazinform

Енді «Барыс» алдағы ойынын 16 қаңтарда елордада Ресейдің «Салават Юлаев» командасына қарсы өткізеді.

Одан кейін 19 қаңтарда ЦСКА (Мәскеу), 22 қаңтарда «Автомобилист» (Екатеринбург) клубтарымен шеберлік байқасады.

Фото: Виктор Федюнин/Kazinform