АСТАНА. KAZINFORM – Елордалық «Барыс» командасы 4 хоккейшіні қатарына қосты. Олардың қатарында аталған ұжымның намысын бұрын қорғаған канадалық қорғаушы Алекс Грант та бар.
Канадалық қорғаушымен келісімшарт 2024/2025 жылғы маусымның соңына дейін жасалған. Қазақстандық жанкүйерлер үшін Алекс Грант есімі жақсы таныс. 2022/2023 жылғы маусымда ҚХЛ тарихында бір ойында покер жасаған алғашқы қорғаушы болды.
Сондай-ақ команда сапына ресейлік Никита Сетдиков, Илья Хохлов, Станислав Бочаровпен маусым соңына дейін келісімшартқа қол қойды.
Одан бөлек команда құрамынан Уэйд Эллисон мен Чейс Де Лео сынды шетелдік хоккейшілер кетті.
Биылғы маусымды «Барыс» сәтсіз өткізіп жатыр. Елордалық ұжым 12 ойынның 10-ында жеңілістің ащы дәмін татып, турнир кестесінде соңғы орында тұр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.